13) பேகம் ஹஸ்ரத் மகால்

பேகம் ஹஸ்ரத் மகால் (கி.பி.1820-1879) :


இந்திய சுதந்திர போராட்டத்தில் ஆண்களுக்கு சரிசமமாக வீரத்திலும் தியாகத்திலும் இணையாக பெண்களும் பங்கு கொண்டுள்ளனர். அத்தகையவர்களில் ஆவாத் (அயோத்தி) நவாப்பின் மகாராணியான பேகம் ஹஸ்ரத் மகாலும் ஒருவர். இவர் கி.பி.1820ல் ஆவாத் இராஜ்யத்தின் பகுதியான ஃபைசாபாத்தில் ஏழை குடும்பத்தில் பிறந்தார். இவரது இயற்பெயர் முஹம்மதி காணும் என்பதாகும். இவரது பெற்றோர்கள் ஈரானிய குடும்பத்தை சேர்ந்தவர்கள் என்றும் இவர் நடன பெண்ணாக வாழ்க்கையை தொடங்கியதாகவும் ஆவாத் (அயோத்தி) நவாப்பான வாஜித் அலி ஷாவின் கவனத்தை ஈர்த்ததால் அவரது தனது அரண்மனைக்கு பணிபெண்ணாக அழைத்து சென்றார். பிறகு இவரை திருமணம் செய்து கொண்டார். இவர்களுக்கு பிர்கிஸ் காதிர் என்ற மகன் கி.பி.1845ல் பிறந்தார். மகன் பிறந்த நேரத்தில் இவருக்கு அரண்மனையில் முக்கிய ராணிகளுக்கான பேகம் என்ற பட்டத்தை கொடுத்தார். அது முதல் இவர் பேகம் ஹஸ்ரத் மகால் என்று அழைக்கப்பட்டார்.

 கி.பி.1856ல் பிரிட்டிஷ் அரசு இவரது கணவரான வாஜித் அலி ஷாவை பிரிட்டிஷ் அரசு கைது செய்து கல்கத்தா சிறையில் அடைத்தது. இதனால் பேகம் ஹஸ்ரத் மஹால் தன் மகனான பிர்கிஸ் காதிரை அரசனாக அறிவித்து அவருக்கு பதிலாக ஆட்சி புரிந்தார். கி.பி.1857ல் நடந்த சிப்பாய் புரட்சியின் போது இவரது ஆதரவாளர்கள் ராஜா ஜலால் சிங் தலைமையில் ஆங்கிலேய படைகளை எதிர்த்து தாக்கினார்கள். லக்னோவை தாக்கி கைப்பற்றி தனது மகனை அரசனாக்கி அவரது பாதுகாவலராக இருந்தார். இவர் பிரிட்டிஷ் அரசு தங்களின் வழிபாதைகளுக்காக கோயில்களையும் மசூதிகளையும் இடித்து தள்ளியதாக குற்றம் சாட்டினார். இவர் மராத்திய பேஷ்வா நானா சாகிப்புடன் இணைந்து சுதந்திர போராட்டங்களில் பங்கு கொண்டார். பின்னர் ஆங்கிலேயர்கள் லக்னோவை தாக்கி திரும்ப கைப்பற்றவும் இவரும் நானா சாகிப்புடன் நேபாள நாட்டிற்கு தப்பி சென்றார். ஆரம்பத்தில் இவர்களுக்கு அடைக்கலம் கொடுக்க யோசித்த நேபாள அரசர் பின்பு அடைக்கலமாக அனுமதி கொடுத்தார். அங்கேயே கி.பி. 1879ல் மரணமடைய காட்மாண்டுவில் உள்ள ஜூம்மா மசூதியில் அடக்கம் செய்யப்பட்டார். இவர் மறைந்தவுடன் கி.பி.1887ல் விக்டோரியா மகாராணியின் வெள்ளி விழாவை முன்னிட்டு இவரது மகனான பிர்கிஸ் காதிரை இந்தியாவுக்கு வர ஆங்கிலேய அரசு அனுமதித்தது. கல்கத்தாவில் தங்கியிருந்த அவர் கி.பி.1893ல் அவரது உறவினர்களால் விஷமிட்டு கொல்லப்பட்டார். 


கி.பி.1984 மே 10ல் இந்திய அரசாங்கம் இவரது தபால்தலை வெளியிட்டு சிறப்பித்தது. சிறுபான்மையினர் நலத்துறை மைனாரிட்டி பிரிவை சேர்ந்த பெண்களுக்கு படிப்பதற்கு உதவித்தொகை வழங்குவதற்கு இவரது பெயரை சூட்டியது.

Comments

Post a Comment

Popular posts from this blog

145) குந்தள குமாரி சபத்

Image
குந்தள குமாரி சபத் (கி.பி.1901-1938) : இந்திய சுதந்திர போராட்ட வரலாற்றில் தனது கவிதைகளால் நாட்டுபற்றையும் விடுதலை உணர்வையும் கொழந்து விட்டு எரிய செய்த வீரப்பெண்மணி. ஒரியாவின் நைட்டிங்கேல் என்றும் புல்புல் என்றும் அழைக்கப்பட்ட இவர் மகாத்மா காந்தியின் வழிகாட்டுதலில் படி ஒரியா மக்களின் மனங்களில் சுதந்திர கனலை தன் கவிதைகளால் எழுப்பினார். இவர் கி.பி.1901ல் ஒரிசாவில் அன்றைய பஸ்தூர் மாநிலம் ஜக்தல்பூர் என்னுமிடத்தில் (இந்த இடம் இப்போது சத்தீஸ்கர் மாநிலத்தில் உள்ளது) பிறந்தார். இவரது தந்தை டேனியல் சபத் தாயார் மோனிகா சபத். இந்து பிராமணரான இவரது குடும்பத்தில் மருத்துவரான இவரது தந்தை இவர் பிறப்பதற்கு முன்பே கிறிஸ்தவ மதத்திற்கு மாறினார். இவரது தந்தை கிறிஸ்தவ மதத்திற்கு மாறிய காரணம் தெரியவில்லை. பின்னர் இவரது பெற்றோருடன் சிறுவயதிலையே பர்மாவுக்கு குடிபெயர்ந்தார். பின்னர் இவரது தந்தை பர்மாவிலையே இன்னொரு பெண்ணை திருமணம் செய்ய இவரது தாயும் இவரும் இவரது 14வது வயதில் ஒரிஸ்ஸா வந்து குர்தாவில் குடியேறினர். இவரது தாய் கல்வி பெறாதவராக இருந்தாலும் அவரது விடாமுயற்சியால் இவர் ராவன்பூரில் உள்ள பெண்கள் பள்ளியில் ப...
Read more

146) அம்மு சுவாமிநாதன்

Image
அம்மு சுவாமிநாதன் (கி.பி.1894-1978) இந்திய வரலாற்றில் தங்களது தியாகத்தாலும் திறமையினாலும் இடம்பிடித்த பெண்மணிகளுள் அம்மு சுவாமிநாதனும் ஒருவர். சுதந்திர போராட்ட களத்திலும் பெண்ணீயம் தொடர்பான போராட்டஙக்ளிலும் மட்டுமல்லாது அரசியல் நிர்ணய சபைகளில் பங்கு கொண்டு இந்திய அரசியல் சட்ட நிர்ணயத்தில் குறிப்பிடத்தக்க பங்கை வகித்தவர் இவர். அம்மு குட்டி மேனன் இன்றைய கேரளாவில் பாலக்காட்டில் அனக்கராவில் ஒரு வடக்காத் மேனன் குடும்பத்தில் ஏப்ரல் 22 கி.பி.1894ல் பிறந்தார். தாய் தந்தை இருவரும் நாயர் குடும்பத்தை சேர்ந்தவர்கள். 9 பெண் குழந்தைகள் உட்பட 13 குழந்தைகள் கொண்ட குடும்பத்தில் இவர் இளையவர். இவரது சிறுவயதிலையே இவரது தந்தையார் மறைந்தார். இவரது தாயார் ஒவ்வொரு குழந்தைகளின் திருமணத்திற்காகவும் தினசரி வாழ்க்கைக்கும் போராடி இவர்களை வளர்த்தார். அதனால் இவர் சிறு வயதில் பள்ளிக்கு செல்லவில்லை. ஆனாலும் மலையாள மொழியை எழுத படிக்க தெரிந்த அளவிலையே இவரது கல்வி இருந்தது. இவரது 13 வயதில் கேரள ஐயர் குடும்பத்தை சேர்ந்த சுவாமிநாதன் என்பவருக்கு திருமணம் செய்து வைக்கப்பட்டார். இவரது கணவர் இவரது தந்தையின் நண்பர் . அதனால் அவர...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more