22) இராணி மீனாட்சி

இராணி மீனாட்சி ஆட்சி (கி.பி.1731-1736) :


மங்கம்மாளின் பேரனான விஜயரங்க  சொக்கநாதர் கி.பி.1731ல் மறையவே அவருக்கு வாரிசு இல்லாததால் அவரது மனைவியான ராணி மீனாட்சி தன் உறவினரான விஜயகுமாரன் என்ற சிறுவனை தத்தெடுத்து அவனை ஆட்சி பொறுப்பில் அமர்த்தி அவன் சார்பாக தானே ஆட்சி பொறுப்பு ஏற்று நடத்தி வந்தார். விஜயகுமாரனின் தந்தையான பங்காரு திருமலை என்பவர் தன் மகனுக்கு எதிராக கிளர்ச்சி செய்து ஆட்சிக்கு தனக்கு உரிமை கோரினார். தான் ஆட்சிக்கு வர உதவுமாறு எதிரியான ஆற்காடு நவாப்பின் உதவியை கேட்டார். ஆற்காடு நவாப்பின் மருமகனான சந்தா சாகிப்புக்கு பெருமளவு பணத்தை லஞ்சமாக கொடுத்து தனக்கு ஆதரவாக இருக்குமாறு வேண்டினார். ராணி மீனாட்சியும் சந்தா சாகிப்பிடம் தன்னை ஆதரிக்குமாறு வேண்ட அவர் ராணியிடம் இலஞ்சம் கேட்டார். அவருக்கு 1 கோடி பக்கோடா பணம் இலஞ்சமாக தர ராணி மீனாட்சி ஒப்புக்கொண்டார். திருக்குரான் வடிவத்தில் செய்யப்பட்ட செங்கல்லின் மீது சந்தா சாகிப் சத்தியம் செய்து பணத்தை பெற்றுக்கொண்டார். பணத்தை பெற்றுக் கொண்டதுடன் ராணி மீனாட்சியை கைது செய்து சிறையில் இட்டார். நம்பிக்கை துரோகத்தை தாங்க முடியாத ராணி மீனாட்சி அடுத்து வேறு எதுவும் அவமானங்கள் நேரகூடாது என்று சிறையில் விஷம் குடித்து தற்கொலை செய்தார். கி.பி.1731ல் ஏறிய ஆட்சி கி.பி.1736ல் முடிந்ததுடன்  மதுரையில் நாயக்கர்கள் வம்ச ஆட்சி முடிவுக்கு வந்தது. ராணி மீனாட்சி மறைவுக்கு பின்னர் சந்தா சாகிப் பங்காரு திருமலையையும் கொன்று நாயக்கர்களின் ஆட்சியை முடித்து வைத்தார். உறவினர்களுக்குள் பதவி போட்டியால் அன்னியரை நாடி ஒருவருக்கொருவர் தங்கள் தலையில் மண்ணை அள்ளி போட்டுக் கொண்டனர். நம்பிக்கை துரோகத்தால் வீழ்ந்த பரிதாபத்துக்குரிய ராணிகளின் வரிசையில் ராணி மீனாட்சியும் இடம்பிடிக்கிறார்.

Comments

Post a Comment

Popular posts from this blog

135) கங்கா தேவி

Image
கங்கா தேவி (கி.பி.14ம் நூற்றாண்டு) : வரலாற்றில் நிறைய பெண்மணிகளும் அரசிகளும் தங்களது தியாகத்தாலும் வீரத்தாலும் கருணையினாலும் பக்தியினாலும் குறிப்பிடப்பட்டுள்ளனர். அவர்களுள் ஒருவர் தான் "மதுரா விஜயம்" என்ற நூலை எழுதிய கங்கா தேவி என்ற கங்கம்மா. இவர் விஜயநகர பேரரசரான புக்க ராயரின் மகனான குமார கம்பணின் மனைவி. 60 ஆண்டுகளாக டெல்லி சுல்தான்களின் படையெடுப்புகளால் மதுரை அடிமைப்பட்டு இருந்ததை வீழ்த்தி மதுரையை அன்னியரின் பிடியிலிருந்து மீட்டு மதுரை மீனாட்டசியம்மனின் சிலையை காத்த வரலாற்றை கொண்டவர் இவர். கங்காம்பிகா என்ற இயற்பெயருடைய இவர் விஜயநகர பேரரசை தோற்றுவித்த ஹரிஹர புக்க சகோதரர்களில் புக்க ராயரின் மகனான குமார கம்பனாவின் மனைவி. இவர் சமஸ்கிருதத்தில் சிறந்த அறிஞர் மட்டுமில்லாது கவி பாடும் வல்லமை உடையவர். இவர் தனது கணவரான குமார கம்பனார் மதுரை மீது படையெடுத்து மதுரை சுல்தான்களின் ஆட்சியை அகற்றி மதுரையையும் மதுரை மீனாட்சியம்மன் கோவிலையும் மீட்ட வரலாற்றை வீர கம்பராய சரிதம் அல்லது மதுரா விஜயம் நூலில் எழுதியுள்ளார். இதில் காஞ்சிபுரத்தை கைப்பற்றிய கம்பனார் மற்றும் கங்கா தேவி இருவரின் கனவிலும்...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more

முன்னுரை

 சரித்திர நினைவலைகள் தொகுதியை எழுதும்போது விடுபட்ட பகுதிகளை தேடும்போது ஆண்களோடு ஆண்களுக்கு சற்றும் சளைக்காமல் இந்திய சுதந்திர போராட்ட களத்தில் பெண்களும் பங்கு பெற்றது அறிய வந்தது. ஆனால் அவர்கள் சரித்திரத்தில் அதிகம் அறியப்படாத அவர்களின் தியாகங்கள் பெரிதும் தெரியாமலும் இருந்தது. சுதந்திர போராட்டம் மட்டுமல்ல கலை,பக்தி, இலக்கியம், மருத்துவம், சட்டம், சமூக சேவைகள் மற்றும் விமானியாகவும் சாதனைகள் படைத்த விவரங்களும் அதை அவர்கள் அடைய சமூகத்தில் இருந்த இடர்பாடுகளும் அதை தகர்த்தெறிந்து தங்களது லட்சியத்தை அடைந்த வீர மங்கைகளையும் அவர்களின் வாழ்க்கையையும் அறிமுகப்படுத்த வேண்டும் என்ற எண்ணத்தில் எழுத ஆரம்பித்ததே இந்த தொடர். இதில் இந்தியா வரலாற்றில் தனது பங்களிப்பை சிறந்த முறையில் செய்த 149 பெண்மணிகளை பற்றி அனார்கலி முதல் அன்னை தெரசா வரை இங்கு எழுதியுள்ளேன். மதுரை குஞ்சரத்தம்மாள் கற்பனை என்பதால் அதற்கு தனி கட்டுரை எண் கொடுக்கவில்லை. இன்னும் தேடல்கள் தொடர்ந்தால் கிடைக்கும் தகவல்களையும் திரட்டி எழுதவும் ஆவல். உண்மையில் அனார்கலி என்பது கற்பனையான கேரக்டரா? அல்லது வரலாற்றில் அவரை பற்றிய செய்திகள் முழு...
Read more