25) கிரண் தேவி ரதோர்

 கிரண் தேவி ரதோர் :


இராஜபுதன ஆண்கள் மட்டுமல்ல பெண்களும் வீரமிக்கவர்களாகவே இருந்தனர். அதுவும் ஆளானப்பட்ட மொகலாய பேரரசர் அக்பரின் அரண்மனையில் தன்னை நெருங்கிய அக்பரின் கழுத்தில் கத்தியை வைத்து அரண்மனையை விட்டு அகன்றவர் தான் இந்த வீரப்பெண்மணி கிரண் தேவி ரதோர். இந்திய சரித்திரம் கண்ட வீராங்கனைகளில் இவரும் ஒருவர்.

ஒவ்வொரு புத்தாண்டின் முதல் ஒன்பது நாட்கள்) அரண்மனையில் பெண்களுக்காக பெண்களே விற்பனையாளர்களாக வாடிக்கையாளர்களாக நடத்தும் விழா அது. அரண்மணை பெண்கள் வெளியே சென்று பொருட்களை வாங்க முடியாது என்பதால் ஒவ்வொரு வருடமும் புத்தாண்டு முதல் ஒன்பது நாட்கள் நடந்ததால் நவ்ரோஸா என்றழைக்கப்பட்டது. இது எனக்கு குஷ்ரோஸா என்று அக்பரே கூறுவார். இந்த நிகழ்வுகளில் தனக்கு பிடித்தமான பெண்ணை தேர்ந்தெடுத்து மனைவியாக்கி கொள்வார். அக்பருக்கு பிடித்தமான பெண்களை பணிப்பெண்கள் வழிகாட்டுவது போல தவறாக வழிநடத்தி முடிவில் அக்பரின் அறைக்கு கொண்டு விட்டு விடுவார்கள்.  மேவாரின் ராணா பிரதாப் சிங்கின் சகோதரரான சக்தி சிங் அண்ணனுடன் ஏற்பட்ட அரியணை தகராறால் அக்பரிடம் வந்து அவரின் அரசவையில் இருந்தார். அவரது மகளான கிரண் தேவி ரதோர் என்பவர் பிகானீயர் இளவரசரன  பிரித்விராஜ் ரத்தோர் என்பவரை மணந்தார். கிரண் தேவிக்கு மொகலாயர்களை பிடிக்கவில்லை என்றாலும் கணவர் அவரது அவையில் இருந்ததால் வேறு வழியில்லாமல் டெல்லியில் வாழ்ந்து வந்தார். மொகலாயர்களை கடுகளவும் மதிக்காமல் இராஜபுதனத்தின் சுதந்திர தாகத்தை  ஊட்டி வளர்க்கும் தன் பெரியப்பாவான ராணா பிரதாப் சிங்கின் மீது அளவற்ற மரியாதை கொண்டிருந்தார். ஒரு புத்தாண்டின்  நவ்ரோஸாவின் போது இவருக்கு அவரது கணவரான பிரித்விராஜ் மூலம் அழைப்பு அனுப்பினார். கடைவீதியில் இவரை கண்ட அக்பர் இவரின் அழகில் மதிமயங்கினார். பணிப்பெண்களிடம் அடையாளம் காட்ட அவர்கள் இவரை தவறாக வழிநடத்தி அக்பரின் அறைக்கு கொண்டு வந்துவிட்டனர். அக்பர் இவரிடம் ஆசை வார்த்தைகள் கூறி வசப்படுத்த முயல இவர் அக்பரின் கழுத்தில் கத்தியை வைத்து "நான் இராஜபுத்ர பெண். உயிரை பற்றி கவலைப்பட மாட்டேன். என்னை நெருங்கினால் இந்துஸ்தானம் அதன் சக்கரவர்த்தியை இழக்க நேரிடும்" என்று கூறி அக்பரிடம் இருந்து தப்பித்து சென்றார். பின்னர் வீட்டிற்கு சென்றவுடன் இனிமேல் டெல்லியில் இருந்தால் வீணான தொல்லைகள் ஏற்படும் என்பதால் கணவரும் மனைவியுமாக டெல்லியை விட்டு உடனே அகன்று பிகானீயர் சென்று விட்டனர். இது சரித்திரத்தில் மறைக்கப்பட்ட பக்கங்களுள் ஒன்றாக உள்ளது. அன்றைய காலத்தில் உலகத்தின் சக்திவாய்ந்த அரசர்களுள் ஒருவரும் உலகத்தின்  சொத்து மதிப்பில் 1/3 பங்கிற்கு மேல் கொண்ட அக்பரை ஒரு சிறுபெண் தன் துணிச்சலால் அவரிடமிருந்து தப்பித்து சென்றார்.  இவரது தந்தையான சக்தி சிங் தனது அண்ணனான ராணா பிரதாப் சிங்கை ஹல்திகாட் போரில் அவரின் உயிரை காப்பாற்றினார். இதன் பின்னரே அண்ணனுடன் தம்பிக்கு பூசல்கள் மறைந்தது. மானமே பிரதானம் அதை விட உயிர் பெரிதல்ல என்று துணிச்சலுடன் செயல்பட்ட வீரப்பெண்ணான கிரண் தேவி ரதோர் துணிச்சலான வீரப்பெண்மணிகளுள் ஒருவராக இன்றும் இராஜபுத்ரர்களால் நினைவு கூறப்படுகிறார்.

Comments

Post a Comment

Popular posts from this blog

145) குந்தள குமாரி சபத்

Image
குந்தள குமாரி சபத் (கி.பி.1901-1938) : இந்திய சுதந்திர போராட்ட வரலாற்றில் தனது கவிதைகளால் நாட்டுபற்றையும் விடுதலை உணர்வையும் கொழந்து விட்டு எரிய செய்த வீரப்பெண்மணி. ஒரியாவின் நைட்டிங்கேல் என்றும் புல்புல் என்றும் அழைக்கப்பட்ட இவர் மகாத்மா காந்தியின் வழிகாட்டுதலில் படி ஒரியா மக்களின் மனங்களில் சுதந்திர கனலை தன் கவிதைகளால் எழுப்பினார். இவர் கி.பி.1901ல் ஒரிசாவில் அன்றைய பஸ்தூர் மாநிலம் ஜக்தல்பூர் என்னுமிடத்தில் (இந்த இடம் இப்போது சத்தீஸ்கர் மாநிலத்தில் உள்ளது) பிறந்தார். இவரது தந்தை டேனியல் சபத் தாயார் மோனிகா சபத். இந்து பிராமணரான இவரது குடும்பத்தில் மருத்துவரான இவரது தந்தை இவர் பிறப்பதற்கு முன்பே கிறிஸ்தவ மதத்திற்கு மாறினார். இவரது தந்தை கிறிஸ்தவ மதத்திற்கு மாறிய காரணம் தெரியவில்லை. பின்னர் இவரது பெற்றோருடன் சிறுவயதிலையே பர்மாவுக்கு குடிபெயர்ந்தார். பின்னர் இவரது தந்தை பர்மாவிலையே இன்னொரு பெண்ணை திருமணம் செய்ய இவரது தாயும் இவரும் இவரது 14வது வயதில் ஒரிஸ்ஸா வந்து குர்தாவில் குடியேறினர். இவரது தாய் கல்வி பெறாதவராக இருந்தாலும் அவரது விடாமுயற்சியால் இவர் ராவன்பூரில் உள்ள பெண்கள் பள்ளியில் ப...
Read more

146) அம்மு சுவாமிநாதன்

Image
அம்மு சுவாமிநாதன் (கி.பி.1894-1978) இந்திய வரலாற்றில் தங்களது தியாகத்தாலும் திறமையினாலும் இடம்பிடித்த பெண்மணிகளுள் அம்மு சுவாமிநாதனும் ஒருவர். சுதந்திர போராட்ட களத்திலும் பெண்ணீயம் தொடர்பான போராட்டஙக்ளிலும் மட்டுமல்லாது அரசியல் நிர்ணய சபைகளில் பங்கு கொண்டு இந்திய அரசியல் சட்ட நிர்ணயத்தில் குறிப்பிடத்தக்க பங்கை வகித்தவர் இவர். அம்மு குட்டி மேனன் இன்றைய கேரளாவில் பாலக்காட்டில் அனக்கராவில் ஒரு வடக்காத் மேனன் குடும்பத்தில் ஏப்ரல் 22 கி.பி.1894ல் பிறந்தார். தாய் தந்தை இருவரும் நாயர் குடும்பத்தை சேர்ந்தவர்கள். 9 பெண் குழந்தைகள் உட்பட 13 குழந்தைகள் கொண்ட குடும்பத்தில் இவர் இளையவர். இவரது சிறுவயதிலையே இவரது தந்தையார் மறைந்தார். இவரது தாயார் ஒவ்வொரு குழந்தைகளின் திருமணத்திற்காகவும் தினசரி வாழ்க்கைக்கும் போராடி இவர்களை வளர்த்தார். அதனால் இவர் சிறு வயதில் பள்ளிக்கு செல்லவில்லை. ஆனாலும் மலையாள மொழியை எழுத படிக்க தெரிந்த அளவிலையே இவரது கல்வி இருந்தது. இவரது 13 வயதில் கேரள ஐயர் குடும்பத்தை சேர்ந்த சுவாமிநாதன் என்பவருக்கு திருமணம் செய்து வைக்கப்பட்டார். இவரது கணவர் இவரது தந்தையின் நண்பர் . அதனால் அவர...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more