42) கடம்பினி கங்குலி

கடம்பினி கங்குலி (கி.பி.1861-1923) :

இந்தியாவின் முதல் பெண் மருத்துவரான ஆனந்தி பாய் ஜோஸி அமெரிக்காவில் முதன்முதலில் மருத்துவம் முடித்த அதே ஆண்டு இந்தியாவில் கல்கத்தாவில் மருத்துவ பட்டம் பெற்ற பெண் மருத்துவர் தான் கடம்பினி கங்குலி. இருவரும் அலோபதி சிகிச்சை முறையில் மருத்துவ பட்டம் பெற்றவர்கள் தான்.

கி.பி.1861 ஜூலை 18ம் தேதி இன்றைய பீஹாரிலுள்ள பகல்பூரில் பிரஜ கிஷோர் பாசு என்பவருக்கு மகளாக பிறந்தார். இவர் இன்றைய பங்களாதேஷ்ஷில் இருந்த வங்காள குடும்பத்தினர். பிரம்ம சமாஜத்தை சேர்ந்த இவரது தந்தை அபய் சரண் மாலிக் என்பவருடன் இணைந்து "பகல்பூர் மகிளா சமிதி" என்ற பெண்கள் அமைப்பை இந்தியாவில் முதன்முதலில் பெண் விடுதலைக்காக உருவாக்கினார். கடம்பினி கங்குலி படித்த "பங்க மகிள வித்யாலயா" பள்ளி கி.பி.1878ல் பெத்தூன் பள்ளியுடன் இணைக்கப்பட்ட போது இவர் கல்கத்தா பல்கலைக்கழக நுழைவு தேர்வு எழுதி வெற்றி பெற்ற முதல் பெண்மணியாக ஆனார். இவரும் சந்திரமுகி பாசுவும் பெத்தூன் கல்லூரியில் முதல் பட்டதாரி பெண்கள் மட்டுமல்லாது இந்தியாவில் பட்டம் பெற்ற முதல் பெண் பட்டதாரிகள் என்ற பெருமையை பெற்றனர். 


இவர் கி.பி.1883ல் பிரம்ம சமாஜத்தை சேர்ந்த சீர்திருத்தவாதியும் பெண் விடுதலை போராளியுமான துவரகநாத் கங்குலியை திருமணம் செய்தார். பின்னர் கல்கத்தா மருத்துவ கல்லூரியில் சேர்ந்து கி.பி.1886ல் மருத்துவராக பணியாற்றும் தகுதி பட்டத்தை பெற்றார். அதே நேரத்தில் தான் அமெரிக்காவில் ஆனந்தி கோபால் ஜோஷியும் டாக்டர் பட்டம் பெற்றார். இவர் சமூகத்தின் பழமைவாதிகளிடமிருந்து பலவிதமான எதிர்ப்புகளை சந்திக்க வேண்டியிருந்தது. இதையெல்லாம் இவரது கணவரான துவாரகநாத் கங்குலி பொருட்படுத்தாமல் இவரது முயற்சிகளுக்கு துணை நின்றார். இருவரும் பெண் விடுதலைக்காகவும் பாடுபட்டனர். கி.பி.1889ல் இந்திய தேசிய காங்கிரஸின் 5வது கூட்டத்தொடரிலும் இவர் கலந்து கொண்டார். கி.பி.1892ல் இலண்டன் சென்று மருத்துவ மேற்நடிபபுகளை முடித்து விட்டு இந்தியா திரும்பி லேடி டுஃபெரின் மருத்துவமனையில் சிறிது காலம் வேலை பார்த்துவிட்டு சொந்த மருத்துவ பயிற்சியில் ஈடுபட்டார்.


வங்காள பிரிவினைக்கு பின்னர் கி.பி.1906ல் கல்கத்தாவில் மகளிர் மாநாட்டை நடத்தினார். கி.பி.1908ல் தென்னாப்பிரிக்காவிலுள்ள டிரான்ஸ்வால் என்னுமிடத்தில் நடந்த சத்தியாகிரக போராட்டத்தில் ஈடுபட்ட தொழிலாளர்களுக்கு ஆதரவாக கல்கத்தாவில் ஒரு மாநாட்டை நடத்தினார். அந்த பணியாளர்களுக்கு உதவ சங்கங்கள் மூலம் நிதியை திரட்டி அனுப்பி வைத்தார். கி.பி.1914ல் கல்கத்தாவுக்கு வந்த மகாத்மா காந்திக்கு மரியாதை செலுத்த சதாரன் பிரம சமாஜ் நடத்திய கூட்டத்திற்கு தலைமை தாங்கினார். இவர் எட்டு குழந்தைகளுக்கு தாயாக இருந்ததால் வீட்டு வேலைகளுக்கும் அதிக நேரம் செலவிட நேர்ந்தது. அதனுடனும் பெண்கள் விடுதலைக்காகவும் குரல் எழுப்பினார். கி.பி.1923 அக்டோபர் 3ம் தேதி கல்கத்தாவில் இவர் மறைந்தார். பெண் உரிமைக்காகவும் இவரது தன்னலமற்ற தொண்டினாலும் சிறந்து விளங்கிய இந்த மாதர் குல மாணிக்கம் இந்தியாவில் முதல் பெண் மருத்துவர் என்ற பெருமையை பெற்றவர்.

Comments

Post a Comment

Popular posts from this blog

145) குந்தள குமாரி சபத்

Image
குந்தள குமாரி சபத் (கி.பி.1901-1938) : இந்திய சுதந்திர போராட்ட வரலாற்றில் தனது கவிதைகளால் நாட்டுபற்றையும் விடுதலை உணர்வையும் கொழந்து விட்டு எரிய செய்த வீரப்பெண்மணி. ஒரியாவின் நைட்டிங்கேல் என்றும் புல்புல் என்றும் அழைக்கப்பட்ட இவர் மகாத்மா காந்தியின் வழிகாட்டுதலில் படி ஒரியா மக்களின் மனங்களில் சுதந்திர கனலை தன் கவிதைகளால் எழுப்பினார். இவர் கி.பி.1901ல் ஒரிசாவில் அன்றைய பஸ்தூர் மாநிலம் ஜக்தல்பூர் என்னுமிடத்தில் (இந்த இடம் இப்போது சத்தீஸ்கர் மாநிலத்தில் உள்ளது) பிறந்தார். இவரது தந்தை டேனியல் சபத் தாயார் மோனிகா சபத். இந்து பிராமணரான இவரது குடும்பத்தில் மருத்துவரான இவரது தந்தை இவர் பிறப்பதற்கு முன்பே கிறிஸ்தவ மதத்திற்கு மாறினார். இவரது தந்தை கிறிஸ்தவ மதத்திற்கு மாறிய காரணம் தெரியவில்லை. பின்னர் இவரது பெற்றோருடன் சிறுவயதிலையே பர்மாவுக்கு குடிபெயர்ந்தார். பின்னர் இவரது தந்தை பர்மாவிலையே இன்னொரு பெண்ணை திருமணம் செய்ய இவரது தாயும் இவரும் இவரது 14வது வயதில் ஒரிஸ்ஸா வந்து குர்தாவில் குடியேறினர். இவரது தாய் கல்வி பெறாதவராக இருந்தாலும் அவரது விடாமுயற்சியால் இவர் ராவன்பூரில் உள்ள பெண்கள் பள்ளியில் ப...
Read more

146) அம்மு சுவாமிநாதன்

Image
அம்மு சுவாமிநாதன் (கி.பி.1894-1978) இந்திய வரலாற்றில் தங்களது தியாகத்தாலும் திறமையினாலும் இடம்பிடித்த பெண்மணிகளுள் அம்மு சுவாமிநாதனும் ஒருவர். சுதந்திர போராட்ட களத்திலும் பெண்ணீயம் தொடர்பான போராட்டஙக்ளிலும் மட்டுமல்லாது அரசியல் நிர்ணய சபைகளில் பங்கு கொண்டு இந்திய அரசியல் சட்ட நிர்ணயத்தில் குறிப்பிடத்தக்க பங்கை வகித்தவர் இவர். அம்மு குட்டி மேனன் இன்றைய கேரளாவில் பாலக்காட்டில் அனக்கராவில் ஒரு வடக்காத் மேனன் குடும்பத்தில் ஏப்ரல் 22 கி.பி.1894ல் பிறந்தார். தாய் தந்தை இருவரும் நாயர் குடும்பத்தை சேர்ந்தவர்கள். 9 பெண் குழந்தைகள் உட்பட 13 குழந்தைகள் கொண்ட குடும்பத்தில் இவர் இளையவர். இவரது சிறுவயதிலையே இவரது தந்தையார் மறைந்தார். இவரது தாயார் ஒவ்வொரு குழந்தைகளின் திருமணத்திற்காகவும் தினசரி வாழ்க்கைக்கும் போராடி இவர்களை வளர்த்தார். அதனால் இவர் சிறு வயதில் பள்ளிக்கு செல்லவில்லை. ஆனாலும் மலையாள மொழியை எழுத படிக்க தெரிந்த அளவிலையே இவரது கல்வி இருந்தது. இவரது 13 வயதில் கேரள ஐயர் குடும்பத்தை சேர்ந்த சுவாமிநாதன் என்பவருக்கு திருமணம் செய்து வைக்கப்பட்டார். இவரது கணவர் இவரது தந்தையின் நண்பர் . அதனால் அவர...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more