49) நாங்கிலி

நாங்கிலி :


சரித்திரத்தில் எத்தனையோ விசித்திரமான போராட்டங்களை கண்டிருப்போம். அதில் ஆண்களோடு பெண்களும் இணைந்து பங்கு கொண்டு தங்களின் பங்களிப்பை உறுதிப்படுத்திய நிகழ்வுகள் உண்டு. ஆனால் இந்த நாங்கிலி என்ற ஈழவ சமுதாயத்தை சேர்ந்த 19ம் நூற்றாண்டில் வாழ்ந்த பெண்மணி செய்த போராட்டம் மிகவும் வித்தியாசமானது. அந்த காலகட்டத்தில் திருவாங்கூர் சமஸ்தானத்தில் உயர்சாதி பெண்களை தவிர மற்றவர்கள் தங்கள் மார்பகங்களை மறைக்கக்கூடாது என்றும் மார்பகங்களின் கணத்திற்கேற்ப முலை வரி என்று வரியை கட்டவும் நேர்ந்தது. இதை எதிர்த்து தன் மார்பகங்களை அறுத்து கொண்டு உயிர் விட்டவர் தான் இந்த வீரப்பெண்மணி நாங்கிலி.

திருவாங்கூர் சமஸ்தானத்தை சேர்ந்த சேர்த்தாலா என்னுமிடத்தில் வாழ்ந்து வந்தவர் நாங்கிலி என்ற 30‌ வயது ஈழவ இனத்து பெண்மணி. ஒரு கட்டத்தில் இவர் வெறுப்படைந்து மார்பக வரி (முலை வரி) கட்டுவதில்லை என்று உறுதி கொண்டார். அந்த காலத்தில் திருவாங்கூர் சமஸ்தானத்தில் பெண்களின் மார்பகங்களின் அளவுக்கு ஏற்ப வரி விதிப்பு இருந்தது. அதற்கு முலைவரி அல்லது முலைக்கர்ணம் என்று பெயர். பெரிய மார்பகங்கள் என்றால் அதற்கேற்ப வரி. வரி கட்ட முடியாதவர்களின் மார்புகள் அறுத்தெறியப்படும். நாங்கிலிக்கு பெரிய மார்பகங்கள் என்பதால் அவருக்கு இரட்டை வரி விதிக்கப்பட்டது. மார்பு வரியை கட்டுவதை பெரிய அவமானமாக கருதிய நாங்கிலி அதை கட்டாததால் முலைக்கர்ணம் பார்வத்தியார் (முலைக்கர்ணம் வசூலிப்பவர்) அவரிடம் வரிவசூல் செய்ய அவரின் குடிசைக்கு போக கொஞ்சம் பொறுங்கள் என்று கூறி குடிசைக்கு உள்ளே போய் வாழையிலையை வெட்டி விளக்கொன்றை வைத்து தனது இரு மார்பகங்களையும் அறுத்து தந்து அப்படியே உதிரப்பெருக்கு தாங்காமல் உயிர் விட்டார். இந்த நிகழ்வு கி.பி.1803ல் நடந்ததாக கூறுகிறார்கள். மனைவியின் மீது பேரன்பு  கொண்ட கணவர் சிறுகண்டனும் அவரின் மறைவு துக்கம் தாங்காமல் அவளது சிதையில் விழுந்து மாண்டது பெரிய அதிர்வலைகளை ஏற்படுத்தியது. அவள் வாழ்ந்த இடமே "முலைச்சிபரம்பு (மார்பக பெண் வாழ்ந்த இடம்)" என்ற பெயரில் வழங்கப்பட்டது. தற்போது அதை வரலாற்றின் சுவடுகளிலிருந்து மறைத்து விட விரும்பி "மனோரமா காவலா" என்று மாற்றினார்கள். 

 பின்னாளில் கி.பி.1924ல் இச்சட்டம் முற்றிலுமாக நீக்கப்பட்டதாக கூறுகிறார்கள். இந்த மாதிரி விசித்திரமான என்று கூட சொல்லக்கூடாது கேவலமான சட்டங்கள் கூட அந்த நாட்களில் இருந்திருக்கிறது. அதை எதிர்த்து அந்த நாட்களிலையே 220 வருடங்களுக்கு முன்பே தன் அதிரடி புரட்சியால் தன் உயிர்நீத்து சமுதாயத்தில் அதிர்வலைகளை ஏற்படுத்திய வீரப்பெண்மணியான நாங்கிலியின் தியாகத்தை போற்றுவோம்.

Comments

Post a Comment

Popular posts from this blog

135) கங்கா தேவி

Image
கங்கா தேவி (கி.பி.14ம் நூற்றாண்டு) : வரலாற்றில் நிறைய பெண்மணிகளும் அரசிகளும் தங்களது தியாகத்தாலும் வீரத்தாலும் கருணையினாலும் பக்தியினாலும் குறிப்பிடப்பட்டுள்ளனர். அவர்களுள் ஒருவர் தான் "மதுரா விஜயம்" என்ற நூலை எழுதிய கங்கா தேவி என்ற கங்கம்மா. இவர் விஜயநகர பேரரசரான புக்க ராயரின் மகனான குமார கம்பணின் மனைவி. 60 ஆண்டுகளாக டெல்லி சுல்தான்களின் படையெடுப்புகளால் மதுரை அடிமைப்பட்டு இருந்ததை வீழ்த்தி மதுரையை அன்னியரின் பிடியிலிருந்து மீட்டு மதுரை மீனாட்டசியம்மனின் சிலையை காத்த வரலாற்றை கொண்டவர் இவர். கங்காம்பிகா என்ற இயற்பெயருடைய இவர் விஜயநகர பேரரசை தோற்றுவித்த ஹரிஹர புக்க சகோதரர்களில் புக்க ராயரின் மகனான குமார கம்பனாவின் மனைவி. இவர் சமஸ்கிருதத்தில் சிறந்த அறிஞர் மட்டுமில்லாது கவி பாடும் வல்லமை உடையவர். இவர் தனது கணவரான குமார கம்பனார் மதுரை மீது படையெடுத்து மதுரை சுல்தான்களின் ஆட்சியை அகற்றி மதுரையையும் மதுரை மீனாட்சியம்மன் கோவிலையும் மீட்ட வரலாற்றை வீர கம்பராய சரிதம் அல்லது மதுரா விஜயம் நூலில் எழுதியுள்ளார். இதில் காஞ்சிபுரத்தை கைப்பற்றிய கம்பனார் மற்றும் கங்கா தேவி இருவரின் கனவிலும்...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more

முன்னுரை

 சரித்திர நினைவலைகள் தொகுதியை எழுதும்போது விடுபட்ட பகுதிகளை தேடும்போது ஆண்களோடு ஆண்களுக்கு சற்றும் சளைக்காமல் இந்திய சுதந்திர போராட்ட களத்தில் பெண்களும் பங்கு பெற்றது அறிய வந்தது. ஆனால் அவர்கள் சரித்திரத்தில் அதிகம் அறியப்படாத அவர்களின் தியாகங்கள் பெரிதும் தெரியாமலும் இருந்தது. சுதந்திர போராட்டம் மட்டுமல்ல கலை,பக்தி, இலக்கியம், மருத்துவம், சட்டம், சமூக சேவைகள் மற்றும் விமானியாகவும் சாதனைகள் படைத்த விவரங்களும் அதை அவர்கள் அடைய சமூகத்தில் இருந்த இடர்பாடுகளும் அதை தகர்த்தெறிந்து தங்களது லட்சியத்தை அடைந்த வீர மங்கைகளையும் அவர்களின் வாழ்க்கையையும் அறிமுகப்படுத்த வேண்டும் என்ற எண்ணத்தில் எழுத ஆரம்பித்ததே இந்த தொடர். இதில் இந்தியா வரலாற்றில் தனது பங்களிப்பை சிறந்த முறையில் செய்த 149 பெண்மணிகளை பற்றி அனார்கலி முதல் அன்னை தெரசா வரை இங்கு எழுதியுள்ளேன். மதுரை குஞ்சரத்தம்மாள் கற்பனை என்பதால் அதற்கு தனி கட்டுரை எண் கொடுக்கவில்லை. இன்னும் தேடல்கள் தொடர்ந்தால் கிடைக்கும் தகவல்களையும் திரட்டி எழுதவும் ஆவல். உண்மையில் அனார்கலி என்பது கற்பனையான கேரக்டரா? அல்லது வரலாற்றில் அவரை பற்றிய செய்திகள் முழு...
Read more