55) மகாராணி ஜிந்த் கவுர்

மகாராணி ஜிந்த் கவுர் (கி.பி.1817-1863) :


இவர் ஆங்கிலேயர்களின் ஆதிக்கத்திற்கு அஞ்சாமல் சீக்கிய பேரரசை தோற்றுவித்த மகாராஜா ரஞ்சித் சிங்கின் மூன்றாவது மனைவி. இரஞ்சித் சிங் மரணத்திற்கு பின்னர் வாரிசு போட்டியில் ஒருவரையொருவர் கொன்று ஆட்சியுரிமையை பெற்று ரஞ்சித் சிங் கட்டிக்காத்த அரசை தொலைக்க முற்பட்டனர். கடைசியில் அந்த நேரங்களில் காஷ்மீரில் பாதுகாப்புடன் இருந்த இவர் பின்னாளில் தன் மகனான சிறுவன் துலீப் சிங்கை அரசில் அமர்த்தி அவரின் சார்பாக ஆங்கிலேயரை எதிர்த்தார். இதனால் முதலாம் ஆங்கில-சீக்கிய போரில் தோற்கடிக்கப்பட்டு மகனை பிரிந்து இலண்டனில் சிறைவைக்கப்பட்டு அங்கேயே மடிந்தார்.

இவர் கி.பி.1817ல் இன்றைய குஜ்ரன்வாலா அருகிலுள்ள ஸாஸார் என்னும் ஊரில் பிறந்தார்.  இவரின் அழகான தோற்றத்தால் கவரப்பட்டு இவரது 18 வயதில்  கி.பி.1835ல் ரஞ்சித் சிங் இவரை மணந்தார். இவருக்கு கி.பி.1838ல் துலீப் சிங் என்ற மகன் பிறந்தார். மகன் பிறந்த ஒரு வருடத்திலையே ரஞ்சித் சிங் மறைந்தார். சீக்கிய அரசில் குழப்பங்கள் இருந்ததால் மந்திரி ராஜா தியான் சிங் தில்லான் பொறுப்பில் தாயும் மகனும் காஷ்மீரில் வாழ்ந்து வந்தனர். கடைசியில் 4வது சீக்கிய மகாராஜாவான காரக் சிங் மற்றும் மந்திரி ராஜா  தியான் சிங் தில்லான் ஆகியோர் ஒருவரையொருவர் சுட்டுக்கொண்டு இறந்ததால் அடுத்த வாரிசு என்று வரும்போது வாரிசுகளில் மிஞ்சி இருந்தது துலீப் சிங் மட்டுமே. இதனால் கி.பி.1843ல் தனது 5 வயதில் துலீப்சிங் 5வது சீக்கிய மகாராஜாவாக பதவியில் அமர தாயாரான ஜிந்த் கவுர் அவருக்கு பாதுகாவலராக இருந்து ஆட்சி புரிந்தார். கி.பி.1845 டிசம்பர் இறுதியில் ஆரம்பித்த முதலாம் ஆங்கிலேய-சீக்கிய யுத்தத்தில் தோல்வியுற்ற பின்னர் விசாரணைக்கு பின்னர் இவர் சிறைபிடிக்கப்பட்டு லண்டனுக்கு நாடு கடத்தப்பட்டார். இவரது மகனான துலீப் சிங் இளையவர் என்பதால் மன்னிக்கப்பட்டு ஆங்கிலேயர் பாதுகாப்புடன் ஆட்சியில் இருந்தார். பின்னர் கி.பி.1954ல் டல்ஹெளசி பிரபுவின் உதவியால் இங்கிலாந்து சென்று கிறிஸ்தவ மதத்திற்கு மாறி  விக்டோரியா மகாராணியை துலீப் சிங் சந்தித்தார். அதன் பிறகு இறக்கும்வரை துலீப் சிங் இந்தியா வரவேயில்லை. பெரும் முயற்சிக்கு பின்னர் துலீப் சிங்கின் விருப்பப்படி கி.பி.1861ல் ஜிந்த் கவுர் தன் மகனான துலீப் சிங்கை பார்த்துக்கொள்ள ஆங்கிலேயர் அனுமதித்தனர்.


கி.பி.1863ல் ஆகஸ்ட் 1ல் இவர் இங்கிலாந்திலுள்ள கென்ஸிங்க்டன் என்னும் ஊரில் மறைந்தார். ராஜ்யத்தில் வாரிசு போட்டி இருந்த போது ஒதுங்கியிருந்து பின்னர் ஆட்சியை தக்கவைக்கும் முயற்சியில் ஆங்கிலேயருடன் மோதி தோல்வியுற்று நாடு கடத்தப்பட்டு அங்கேயே மடிந்த துர்பாக்கியசாலி இவர்.

Comments

Post a Comment

Popular posts from this blog

145) குந்தள குமாரி சபத்

Image
குந்தள குமாரி சபத் (கி.பி.1901-1938) : இந்திய சுதந்திர போராட்ட வரலாற்றில் தனது கவிதைகளால் நாட்டுபற்றையும் விடுதலை உணர்வையும் கொழந்து விட்டு எரிய செய்த வீரப்பெண்மணி. ஒரியாவின் நைட்டிங்கேல் என்றும் புல்புல் என்றும் அழைக்கப்பட்ட இவர் மகாத்மா காந்தியின் வழிகாட்டுதலில் படி ஒரியா மக்களின் மனங்களில் சுதந்திர கனலை தன் கவிதைகளால் எழுப்பினார். இவர் கி.பி.1901ல் ஒரிசாவில் அன்றைய பஸ்தூர் மாநிலம் ஜக்தல்பூர் என்னுமிடத்தில் (இந்த இடம் இப்போது சத்தீஸ்கர் மாநிலத்தில் உள்ளது) பிறந்தார். இவரது தந்தை டேனியல் சபத் தாயார் மோனிகா சபத். இந்து பிராமணரான இவரது குடும்பத்தில் மருத்துவரான இவரது தந்தை இவர் பிறப்பதற்கு முன்பே கிறிஸ்தவ மதத்திற்கு மாறினார். இவரது தந்தை கிறிஸ்தவ மதத்திற்கு மாறிய காரணம் தெரியவில்லை. பின்னர் இவரது பெற்றோருடன் சிறுவயதிலையே பர்மாவுக்கு குடிபெயர்ந்தார். பின்னர் இவரது தந்தை பர்மாவிலையே இன்னொரு பெண்ணை திருமணம் செய்ய இவரது தாயும் இவரும் இவரது 14வது வயதில் ஒரிஸ்ஸா வந்து குர்தாவில் குடியேறினர். இவரது தாய் கல்வி பெறாதவராக இருந்தாலும் அவரது விடாமுயற்சியால் இவர் ராவன்பூரில் உள்ள பெண்கள் பள்ளியில் ப...
Read more

146) அம்மு சுவாமிநாதன்

Image
அம்மு சுவாமிநாதன் (கி.பி.1894-1978) இந்திய வரலாற்றில் தங்களது தியாகத்தாலும் திறமையினாலும் இடம்பிடித்த பெண்மணிகளுள் அம்மு சுவாமிநாதனும் ஒருவர். சுதந்திர போராட்ட களத்திலும் பெண்ணீயம் தொடர்பான போராட்டஙக்ளிலும் மட்டுமல்லாது அரசியல் நிர்ணய சபைகளில் பங்கு கொண்டு இந்திய அரசியல் சட்ட நிர்ணயத்தில் குறிப்பிடத்தக்க பங்கை வகித்தவர் இவர். அம்மு குட்டி மேனன் இன்றைய கேரளாவில் பாலக்காட்டில் அனக்கராவில் ஒரு வடக்காத் மேனன் குடும்பத்தில் ஏப்ரல் 22 கி.பி.1894ல் பிறந்தார். தாய் தந்தை இருவரும் நாயர் குடும்பத்தை சேர்ந்தவர்கள். 9 பெண் குழந்தைகள் உட்பட 13 குழந்தைகள் கொண்ட குடும்பத்தில் இவர் இளையவர். இவரது சிறுவயதிலையே இவரது தந்தையார் மறைந்தார். இவரது தாயார் ஒவ்வொரு குழந்தைகளின் திருமணத்திற்காகவும் தினசரி வாழ்க்கைக்கும் போராடி இவர்களை வளர்த்தார். அதனால் இவர் சிறு வயதில் பள்ளிக்கு செல்லவில்லை. ஆனாலும் மலையாள மொழியை எழுத படிக்க தெரிந்த அளவிலையே இவரது கல்வி இருந்தது. இவரது 13 வயதில் கேரள ஐயர் குடும்பத்தை சேர்ந்த சுவாமிநாதன் என்பவருக்கு திருமணம் செய்து வைக்கப்பட்டார். இவரது கணவர் இவரது தந்தையின் நண்பர் . அதனால் அவர...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more