63) மஹாபிரி தேவி

மஹாபிரி தேவி ( ??? - கி.பி.1857) :


இந்திய சரித்திரம் கண்ட வீர பெண்மணிகளுள் இவரும் ஒருவர். இவர் தாழ்த்தப்பட்ட குலத்தில் பிறந்தாலும் அந்த மக்களின் அடிப்படை தேவைகளுக்காகவும் அவர்களின் இழிநிலை நீங்கவும் பாடுபட்ட சமூக சேவகியும் கூட.

இவர் இன்றைய உத்திரபிரதேசத்திலுள்ள மீரட்டிற்கு அருகிலுள்ள முஃஸாபர்நகரிலுள்ள முண்ட்பர் என்ற கிராமத்தில் தாழ்த்தப்பட்ட பாங்கி குலத்தில் பிறந்தவர். தங்களது இனத்தினர் சுகாதார கழிவுகளை சுத்தம் செய்யும் பணியில் இருப்பதை கண்டு அவர்களை நல்வழிப்படுத்தி கெளரவமான நிலைக்கு கொண்டு வருவும் அவர்களிடம் விழிப்புணர்வு ஏற்படவும் பாடுபட்டார். இந்த நேரத்தில் கி.பி.1855ல் முஸாபர் நகரிலுள்ள ஜாட் இனத்தவர்கள் ஆங்கிலேயர்களுக்கு வரி செலுத்த மறுத்துவிட்டனர். இதனால் பெரும் கொண்டிருந்த ஆங்கிலேயர்கள் தக்க நேரம் பார்த்து இருந்தனர். கி.பி.1857ல் மீரட்டில் சுதந்திர போராக சிப்பாய் கலகம் தொடங்கி வட இந்தியா முழுவதும் பரவ தொடங்கியது. இந்த நேரத்தில் ஆங்கிலேயர்கள் கிளர்ச்சியை அடக்குவதாக கூறிக்கொண்டு முஸாபர் நகரிலுள்ள விவசாயிகளை கொன்று குவித்தனர். இதனால் கோபமுற்ற மஹாபிரி தேவி தன்னுடன் சேர்ந்த பெண்களை அழைத்துக்கொண்டு கையில் வாள், கத்தி, கட்டைகளுடன் சென்று ஆங்கிலேயர்களை தாக்கினர். தாங்களும் கொல்லப்படுவோம் என்று தெரிந்தும் பெரிய படைகளின் உள்ளே புகுந்து ஆங்கிலேயர்களை வெட்டி குவித்தனர். முடிவில் பெரும்படையின் முன்னே அந்த 22 வீரப்பெண்களால் வெற்றியை சுவைக்க முடியவில்லை. அவர்கள் அனைவரும் கொல்லப்பட்டு விழுந்தனர்.‌ தாங்கள் துப்பாக்கியுடன் கூடிய பெரும்படையுடன் வெறும் கத்தி வாளுடன் சென்று மோதினால் கொல்லப்படுவோம் என்று உறுதியாக தெரிந்தும் ஆங்கிலேயர்களை கொன்று குவித்து வீர மரணம் அடைந்தனர். இந்த பாரத நாடு இத்தகைய வீரபெண்மணிகளின் தியாகத்தினாலும் தான் சுதந்திர கனலை அணையாமல் ஏற்றிக்கொண்டு சுதந்திர போராட்டங்கள் முன்னிலும் வேகமெடுத்தது. இவர்களின் உயிர்தியாகம் நடந்த மே 8, 1857ம் தேதிக்கு அடுத்த இரண்டு நாளில் மே 10ல் மீரட்டிலும் கலவரம் பற்றி கொண்டது. மீரட்டின் புரட்சியில் முஸாஃபர் நகர் மக்களே பெரும் பங்கு வகித்தனர். இன்றும் முஸாஃபர் நகரிலுள்ள மக்கள் மஹாபிரி தேவி மற்றும் உயிர்த்தியாகம் செய்த அந்த 22 பெண்களையும் நினைவு கூறுகின்றனர். சில வரலாற்று தகவல்களின் படி இந்திரா கவுர், மன் கவுர், ரஹிமி, தேவி தியாகி, பக்தாவாரி, ஹபிபா, உம்டா, ஆஷா தேவி, ஷோபா ஆகியோர்கள் இந்த 22 பெண்களுள் ஒருவராக இருந்தனர்.

Comments

Post a Comment

Popular posts from this blog

135) கங்கா தேவி

Image
கங்கா தேவி (கி.பி.14ம் நூற்றாண்டு) : வரலாற்றில் நிறைய பெண்மணிகளும் அரசிகளும் தங்களது தியாகத்தாலும் வீரத்தாலும் கருணையினாலும் பக்தியினாலும் குறிப்பிடப்பட்டுள்ளனர். அவர்களுள் ஒருவர் தான் "மதுரா விஜயம்" என்ற நூலை எழுதிய கங்கா தேவி என்ற கங்கம்மா. இவர் விஜயநகர பேரரசரான புக்க ராயரின் மகனான குமார கம்பணின் மனைவி. 60 ஆண்டுகளாக டெல்லி சுல்தான்களின் படையெடுப்புகளால் மதுரை அடிமைப்பட்டு இருந்ததை வீழ்த்தி மதுரையை அன்னியரின் பிடியிலிருந்து மீட்டு மதுரை மீனாட்டசியம்மனின் சிலையை காத்த வரலாற்றை கொண்டவர் இவர். கங்காம்பிகா என்ற இயற்பெயருடைய இவர் விஜயநகர பேரரசை தோற்றுவித்த ஹரிஹர புக்க சகோதரர்களில் புக்க ராயரின் மகனான குமார கம்பனாவின் மனைவி. இவர் சமஸ்கிருதத்தில் சிறந்த அறிஞர் மட்டுமில்லாது கவி பாடும் வல்லமை உடையவர். இவர் தனது கணவரான குமார கம்பனார் மதுரை மீது படையெடுத்து மதுரை சுல்தான்களின் ஆட்சியை அகற்றி மதுரையையும் மதுரை மீனாட்சியம்மன் கோவிலையும் மீட்ட வரலாற்றை வீர கம்பராய சரிதம் அல்லது மதுரா விஜயம் நூலில் எழுதியுள்ளார். இதில் காஞ்சிபுரத்தை கைப்பற்றிய கம்பனார் மற்றும் கங்கா தேவி இருவரின் கனவிலும்...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more

முன்னுரை

 சரித்திர நினைவலைகள் தொகுதியை எழுதும்போது விடுபட்ட பகுதிகளை தேடும்போது ஆண்களோடு ஆண்களுக்கு சற்றும் சளைக்காமல் இந்திய சுதந்திர போராட்ட களத்தில் பெண்களும் பங்கு பெற்றது அறிய வந்தது. ஆனால் அவர்கள் சரித்திரத்தில் அதிகம் அறியப்படாத அவர்களின் தியாகங்கள் பெரிதும் தெரியாமலும் இருந்தது. சுதந்திர போராட்டம் மட்டுமல்ல கலை,பக்தி, இலக்கியம், மருத்துவம், சட்டம், சமூக சேவைகள் மற்றும் விமானியாகவும் சாதனைகள் படைத்த விவரங்களும் அதை அவர்கள் அடைய சமூகத்தில் இருந்த இடர்பாடுகளும் அதை தகர்த்தெறிந்து தங்களது லட்சியத்தை அடைந்த வீர மங்கைகளையும் அவர்களின் வாழ்க்கையையும் அறிமுகப்படுத்த வேண்டும் என்ற எண்ணத்தில் எழுத ஆரம்பித்ததே இந்த தொடர். இதில் இந்தியா வரலாற்றில் தனது பங்களிப்பை சிறந்த முறையில் செய்த 149 பெண்மணிகளை பற்றி அனார்கலி முதல் அன்னை தெரசா வரை இங்கு எழுதியுள்ளேன். மதுரை குஞ்சரத்தம்மாள் கற்பனை என்பதால் அதற்கு தனி கட்டுரை எண் கொடுக்கவில்லை. இன்னும் தேடல்கள் தொடர்ந்தால் கிடைக்கும் தகவல்களையும் திரட்டி எழுதவும் ஆவல். உண்மையில் அனார்கலி என்பது கற்பனையான கேரக்டரா? அல்லது வரலாற்றில் அவரை பற்றிய செய்திகள் முழு...
Read more