64) இராணி ஷிரோமணி

 ‌ராணி ஷிரோமணி (??? - கி.பி.1812) :


இந்திய வரலாற்றில் அடக்குமுறைக்கு எதிராக போராடிய ராணிகளுள் இவரும் ஒருவர். பழங்குடியினரின் நிலங்களை மக்களிடமிருந்து ‌நிலச்சுவாந்தார்களுக்கு கொடுத்தவற்றை திரும்ப போராடி மக்களுக்கே கிடைக்க செய்த ராணி.

இவர் மேற்கு வங்காளத்திலுள்ள மிட்னாபூர் மாவட்டத்திலுள்ள கர்னாகார்க் என்ற பகுதியின் ராணி. இவர் கர்னாகார்க் பகுதியின் கடைசி அரசரான ராஜா அஜித் சிங் என்பவரின் இரண்டாவது மனைவி. ராஜா வாரிசில்லாமல் மறையவே இராஜ்யம் அவரது இரண்டு ராணிகளின் வசம் வந்தது. மூத்த ராணி பாபானி மறைந்தவுடன் இளைய ராணியான ராணி ஷிரோமணி வசம் நாடு வந்தது. பழங்குடியினரின் நிலங்களை அவர்கள் வரி கட்ட மாட்டோம் என்றதால் பிரிட்டிஷ் அரசு அவர்களிடமிருந்து நிலங்களை பிடுங்கி நிலச்சுவாந்தார்கள் வசம் ஒப்படைத்தது. இதனால் கி.பி.1782 முதல் ராணி ஷிரோமணி ஆங்கிலேயருக்கு எதிராக போராட ஆரம்பித்தார். ஆயுதமேந்தி 124 கிராமங்களை சூறையாடி சுவார் விவசாயிகளின் நிலங்களை அவர்களுக்கே அழித்தார். ‌ஆங்கிலேயரிடம் இருந்து தனது பாதுகாப்புக்காக சுவார் என்னுமிடத்தில் கோட்டையை கட்டினார்.


 கி.பி.1798 மார்ச் மாதத்தில் மிட்னாபூரில் இருந்த ஆங்கிலேயரை தாக்க நேரம் பார்த்து வந்தார். அந்த நேரத்தில் மிட்னாபூர் ஆங்கில கலெக்டர் கல்கத்தா தலைமை அலுவலகத்துக்கு இன்று மிட்னாபூரை சுவார் பகுதியினர் தாக்க போவதாக தெரிகிறது. அதனால் கரூவூலத்தை உங்களின் பாதுகாப்பில் அனுப்ப ஆசைப்படுகிறேன் என்று கடிதம் எழுதினார். ஆனாலும் ஆங்கிலேயர்களின் உள்ளூர் கைக்கூலிகள் ஆங்கிலேயர்களின் பெரும்படை சுவாரை தாக்க போவதாகவே வதந்தி கிளப்பினர். ஆனால் ஒரு மாதம் கழித்தே சுவாரை தாக்கினர். கோட்டையை கைப்பற்றி ராணி ஷிரோமணியை கைது செய்தனர். உடனே கிளர்ச்சியாளர்கள் கோட்டையில் ஆங்கிலேயர்களை முற்றுகையிட்டு அவர்களுக்கு உணவு போக விடாமல் தடுத்து பட்டினி போட்டனர். இதனால் ஆங்கிலேயர்களுக்கு இறங்கி வருவதை தவிர வேறு வழியில்லாமல் இராஜதந்திரமாக இறுதிவரை போராட தயாராக இருந்த பழங்குடியினருக்கு அவர்களின் நிலங்களை திரும்ப கொடுத்தனர். இதனால் போராட்டம் வெற்றியடைந்தாலும் ஆங்கிலேயரின் ராஜதந்திரமே வெற்றி பெற்றது. இராணி ஷிரோமணி சிறையிலையே கி.பி.1812ல் மறைந்தார்.‌ சுதந்திரத்திற்காக போராடிய இவர் "மிட்னாபூரின் லக்ஷ்மி பாய்" என்ற பெயரில் ஆங்கிலேயர்களால் குறிப்பிடப்பட்டார். ஆனாலும் இவர் ஜான்சி ராணி லக்ஷ்மி பாய்க்கு காலத்தால் முந்தியவர் என்பது குறிப்பிடத்தக்கது.

Comments

Post a Comment

Popular posts from this blog

145) குந்தள குமாரி சபத்

Image
குந்தள குமாரி சபத் (கி.பி.1901-1938) : இந்திய சுதந்திர போராட்ட வரலாற்றில் தனது கவிதைகளால் நாட்டுபற்றையும் விடுதலை உணர்வையும் கொழந்து விட்டு எரிய செய்த வீரப்பெண்மணி. ஒரியாவின் நைட்டிங்கேல் என்றும் புல்புல் என்றும் அழைக்கப்பட்ட இவர் மகாத்மா காந்தியின் வழிகாட்டுதலில் படி ஒரியா மக்களின் மனங்களில் சுதந்திர கனலை தன் கவிதைகளால் எழுப்பினார். இவர் கி.பி.1901ல் ஒரிசாவில் அன்றைய பஸ்தூர் மாநிலம் ஜக்தல்பூர் என்னுமிடத்தில் (இந்த இடம் இப்போது சத்தீஸ்கர் மாநிலத்தில் உள்ளது) பிறந்தார். இவரது தந்தை டேனியல் சபத் தாயார் மோனிகா சபத். இந்து பிராமணரான இவரது குடும்பத்தில் மருத்துவரான இவரது தந்தை இவர் பிறப்பதற்கு முன்பே கிறிஸ்தவ மதத்திற்கு மாறினார். இவரது தந்தை கிறிஸ்தவ மதத்திற்கு மாறிய காரணம் தெரியவில்லை. பின்னர் இவரது பெற்றோருடன் சிறுவயதிலையே பர்மாவுக்கு குடிபெயர்ந்தார். பின்னர் இவரது தந்தை பர்மாவிலையே இன்னொரு பெண்ணை திருமணம் செய்ய இவரது தாயும் இவரும் இவரது 14வது வயதில் ஒரிஸ்ஸா வந்து குர்தாவில் குடியேறினர். இவரது தாய் கல்வி பெறாதவராக இருந்தாலும் அவரது விடாமுயற்சியால் இவர் ராவன்பூரில் உள்ள பெண்கள் பள்ளியில் ப...
Read more

146) அம்மு சுவாமிநாதன்

Image
அம்மு சுவாமிநாதன் (கி.பி.1894-1978) இந்திய வரலாற்றில் தங்களது தியாகத்தாலும் திறமையினாலும் இடம்பிடித்த பெண்மணிகளுள் அம்மு சுவாமிநாதனும் ஒருவர். சுதந்திர போராட்ட களத்திலும் பெண்ணீயம் தொடர்பான போராட்டஙக்ளிலும் மட்டுமல்லாது அரசியல் நிர்ணய சபைகளில் பங்கு கொண்டு இந்திய அரசியல் சட்ட நிர்ணயத்தில் குறிப்பிடத்தக்க பங்கை வகித்தவர் இவர். அம்மு குட்டி மேனன் இன்றைய கேரளாவில் பாலக்காட்டில் அனக்கராவில் ஒரு வடக்காத் மேனன் குடும்பத்தில் ஏப்ரல் 22 கி.பி.1894ல் பிறந்தார். தாய் தந்தை இருவரும் நாயர் குடும்பத்தை சேர்ந்தவர்கள். 9 பெண் குழந்தைகள் உட்பட 13 குழந்தைகள் கொண்ட குடும்பத்தில் இவர் இளையவர். இவரது சிறுவயதிலையே இவரது தந்தையார் மறைந்தார். இவரது தாயார் ஒவ்வொரு குழந்தைகளின் திருமணத்திற்காகவும் தினசரி வாழ்க்கைக்கும் போராடி இவர்களை வளர்த்தார். அதனால் இவர் சிறு வயதில் பள்ளிக்கு செல்லவில்லை. ஆனாலும் மலையாள மொழியை எழுத படிக்க தெரிந்த அளவிலையே இவரது கல்வி இருந்தது. இவரது 13 வயதில் கேரள ஐயர் குடும்பத்தை சேர்ந்த சுவாமிநாதன் என்பவருக்கு திருமணம் செய்து வைக்கப்பட்டார். இவரது கணவர் இவரது தந்தையின் நண்பர் . அதனால் அவர...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more