69) கோப்பெரும்பெண்டு

 ‌கோப்பெரும் பெண்டு :


வரலாற்றில் மிகவும் குறிப்பிடத்தக்க ராணிகளுள் ஒருவர். சங்க இலக்கியத்தில் பல பாடல்களை இயற்றிய அரசி. இவரது கணவரான பாண்டிய மன்னர் ஒல்லையூர் தந்த பூதப்பாண்டியன் மறைவுக்கு பின்னர் "தந்தையை இழந்தவருக்கு தந்தை ஸ்தானத்தில் மற்றொருவர் வரலாம். ஆனால் கணவரை இழந்தவர்க்கு அப்படி வர முடியாது " என்று புறநானூற்று பாடலை எழுதி கணவரின் சிதையில் விழுந்து உயிர்விட்டவர் இவர்.

 கோப்பெரும் பெண்டுவின் கணவரான பூதப்பாண்டியன் சங்க காலத்து பாண்டிய மன்னர்களுள் ஒருவர். குறுநில மன்னர்களுடன் நட்புறவு கொண்டிருந்தார். ஒல்லையூர் தந்த பூதப்பாண்டியன் என்ற அடைமொழி இவருக்கு உண்டு என்பதினால் ஒல்லையூர் என்ற ஊரை வென்றோ அல்லது அவ்வூரை தானமாகவோ கொடுத்திருக்கலாம் என்று கருதுகின்றனர். புறநானூற்றிலும் அகநானூற்றிலும் இவர் பாடிய பாடல்கள் உள்ளது. பூதப்பாண்டியன் மீது சேர, சோழ மன்னர்கள் படையெடுத்து வந்தனர். அது கண்ட இம்மன்னன் "அந்த இரு அரசர்களையும் நான் புறங்காண ஒடச்செய்வேன். அப்படி செய்யாவிட்டால் மைத்தீட்டிய அழகிய கண்களை உடைய என் மனைவியை நான் புரிந்தவனாவேன்...." என்று தன் மனைவி மீது வெஞ்சினம் உரைத்து ஆணையிட்டு போர்க்களம் புகுந்தார். கோப்பெரும் பெண்டு கணவருக்கு வீரத்திலகம் இட்டு போர்க்களத்திற்கு வழியனுப்பி வைத்தார். ஆனால் போரின் முடிவு வேறு விதமாக சேர சோழ அரசர்கள் வெற்றியுடன் பூதப்பாண்டியன் போரில் மாண்டு போனார். கணவர் மரணமடைந்தவுடன் மனைவி கோப்பெருங்கோப்பெண்டு "தாய் தந்தை முதலானோரை இழந்தவர்க்கு அம்முறை சொல்லி பிறரை காட்டி அவர் துயரை ஆற்றலாம். கணவரை இழந்தவர்க்கு அங்ஙனம் காட்டுவது இல்லையன்றோ" என்று கூறி "பல்சான்றீரே பல்சான்றீரே செல்க என் சொல்லாது ஒழிக என விலக்கும் பொல்லாச் சூழ்ச்சிப் பல்சான்றீரே" என்னும் பாடலை பாடி சிதையில் ஏறி உடன்கட்டையாக உயிர் துறந்தார். கற்பிற் சிறந்த பெண்மணி என்று இவரை பற்றி புறநானூற்றில் அரிசில் கிழார் மற்றும் பெருஞ்குன்றூர் கிழார் ஆகிய புலவர்கள் பாடியுள்ளனர். பாடல் இயற்றும் திறமையும் வல்லமையும் கொண்ட இந்த மகாராணி தன் கணவர் இல்லாது இவ்வுலகில் தான் மட்டும் இருப்பதை வெறுத்து கணவரின் சிதையில் தன்னுயிர் துறந்தார்.

Comments

Post a Comment

Popular posts from this blog

145) குந்தள குமாரி சபத்

Image
குந்தள குமாரி சபத் (கி.பி.1901-1938) : இந்திய சுதந்திர போராட்ட வரலாற்றில் தனது கவிதைகளால் நாட்டுபற்றையும் விடுதலை உணர்வையும் கொழந்து விட்டு எரிய செய்த வீரப்பெண்மணி. ஒரியாவின் நைட்டிங்கேல் என்றும் புல்புல் என்றும் அழைக்கப்பட்ட இவர் மகாத்மா காந்தியின் வழிகாட்டுதலில் படி ஒரியா மக்களின் மனங்களில் சுதந்திர கனலை தன் கவிதைகளால் எழுப்பினார். இவர் கி.பி.1901ல் ஒரிசாவில் அன்றைய பஸ்தூர் மாநிலம் ஜக்தல்பூர் என்னுமிடத்தில் (இந்த இடம் இப்போது சத்தீஸ்கர் மாநிலத்தில் உள்ளது) பிறந்தார். இவரது தந்தை டேனியல் சபத் தாயார் மோனிகா சபத். இந்து பிராமணரான இவரது குடும்பத்தில் மருத்துவரான இவரது தந்தை இவர் பிறப்பதற்கு முன்பே கிறிஸ்தவ மதத்திற்கு மாறினார். இவரது தந்தை கிறிஸ்தவ மதத்திற்கு மாறிய காரணம் தெரியவில்லை. பின்னர் இவரது பெற்றோருடன் சிறுவயதிலையே பர்மாவுக்கு குடிபெயர்ந்தார். பின்னர் இவரது தந்தை பர்மாவிலையே இன்னொரு பெண்ணை திருமணம் செய்ய இவரது தாயும் இவரும் இவரது 14வது வயதில் ஒரிஸ்ஸா வந்து குர்தாவில் குடியேறினர். இவரது தாய் கல்வி பெறாதவராக இருந்தாலும் அவரது விடாமுயற்சியால் இவர் ராவன்பூரில் உள்ள பெண்கள் பள்ளியில் ப...
Read more

146) அம்மு சுவாமிநாதன்

Image
அம்மு சுவாமிநாதன் (கி.பி.1894-1978) இந்திய வரலாற்றில் தங்களது தியாகத்தாலும் திறமையினாலும் இடம்பிடித்த பெண்மணிகளுள் அம்மு சுவாமிநாதனும் ஒருவர். சுதந்திர போராட்ட களத்திலும் பெண்ணீயம் தொடர்பான போராட்டஙக்ளிலும் மட்டுமல்லாது அரசியல் நிர்ணய சபைகளில் பங்கு கொண்டு இந்திய அரசியல் சட்ட நிர்ணயத்தில் குறிப்பிடத்தக்க பங்கை வகித்தவர் இவர். அம்மு குட்டி மேனன் இன்றைய கேரளாவில் பாலக்காட்டில் அனக்கராவில் ஒரு வடக்காத் மேனன் குடும்பத்தில் ஏப்ரல் 22 கி.பி.1894ல் பிறந்தார். தாய் தந்தை இருவரும் நாயர் குடும்பத்தை சேர்ந்தவர்கள். 9 பெண் குழந்தைகள் உட்பட 13 குழந்தைகள் கொண்ட குடும்பத்தில் இவர் இளையவர். இவரது சிறுவயதிலையே இவரது தந்தையார் மறைந்தார். இவரது தாயார் ஒவ்வொரு குழந்தைகளின் திருமணத்திற்காகவும் தினசரி வாழ்க்கைக்கும் போராடி இவர்களை வளர்த்தார். அதனால் இவர் சிறு வயதில் பள்ளிக்கு செல்லவில்லை. ஆனாலும் மலையாள மொழியை எழுத படிக்க தெரிந்த அளவிலையே இவரது கல்வி இருந்தது. இவரது 13 வயதில் கேரள ஐயர் குடும்பத்தை சேர்ந்த சுவாமிநாதன் என்பவருக்கு திருமணம் செய்து வைக்கப்பட்டார். இவரது கணவர் இவரது தந்தையின் நண்பர் . அதனால் அவர...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more