98) விஜயலெட்சுமி பண்டிட்

விஜயலெட்சுமி பண்டிட் (கி.பி.1900-1990) :


பிரபலமான ஜவஹர்லால் நேரு குடும்பத்திலிருந்து வந்து காங்கிரஸ் தலைவராகவும் ஜக்கிய நாடுகள் சபையின் முதல் பெண் தலைவராகவும் பணியாற்றியவர் இவர். இவர் ஜவஹர்லால் நேருவின் சகோதரி. 



கி.பி.1900ல் ஆகஸ்ட் 18ல் அலகாபாத்தில் (பிரயாகை) மோதிலால் நேரு - ஸ்வரூப் ராணி தம்பதியருக்கு மகளாக பிறந்தார். காஷ்மீரி பண்டிட் குடும்பத்தை சேர்ந்த இவர் கி.பி.1919ல் முஸ்லீம் பத்திரிக்கையாளரும் எகிப்துக்கான முதல் இந்திய தூதருமான ஹூசைன் என்பவரை ரகசிய திருமணம் செய்தார். இந்த திருமணத்தை பண்டித ஜவஹர்லால் நேரு மற்றும் காந்தி ஆகியோர் பிரித்தனர். பின்னர் சகோதரரின் ஏற்பாட்டின்படி கி.பி.1921ல் குஜராத்தின் கத்தியவார் பகுதியை சேர்ந்த பாரீஸ்டர் பட்டம் பெற்ற ரஞ்சித் சீதாராம் பண்டிட் என்பவரை மணந்தார். இவரது கணவரான ரஞ்சித் சீதாராம் பண்டிட் என்பவரே காஷ்மீரத்தின் வரலாற்றை கூறும் நூலான ராஜதரங்கிணியை சமஸ்கிருதத்தில் இருந்து ஆங்கிலத்திற்கு மொழிபெயர்த்தவர்.  சுதந்திர போராட்டத்தில் சிறை சென்ற விஜயலெட்சுமி பண்ணிட்டின் கணவர் லக்னோ சிறையில் கி.பி.1944ல் இறந்தார். தம்பதியர்களுக்கு சந்திரலேகா மேத்தா, நயன்தாரா சாகல் மற்றும் ரீட்டா தார் என்று 3 பெண் குழந்தைகள் உண்டு. இதில் நயன்தாரா சாகல் என்பவரே நேராவின் 17 ஆண்டுகள் ஆட்சிகால வரலாற்றை திறனாய்வு செய்து வெளியிட்டவர்.

கி.பி.1932ல் ஒத்துழையாமை இயக்கத்தில் பங்கு கொண்டு ஒரு வருடம் சிறை தண்டனை அனுபவித்தார். மீண்டும் 1942ல் வெள்ளையனே வெளியேறு போராட்டத்தில் கலந்துகொண்டு சிறை தண்டனை பெற்றார். இந்த போராட்டத்தில் கலந்துகொண்டு சிறை தண்டனை பெற்ற இவரது கணவர் லக்னோ சிறையிலையே மரணமடைந்தார். பின்னர் உத்திரப்பிரதேசத்தில் நடந்த சட்டமன்ற தேர்தலில் வெற்றி பெற்று முதல் பெண் மந்திரியாக ஆனார். சுதந்திரம் பெற்ற பின்னர் பல நாடுகளில் வாஷிங்டன், மாஸ்கோ மற்றும் மெக்சிகோ நாட்டில் இந்திய தூதராக பணியாற்றியுள்ளார். இந்த நேரத்தில் விமான விபத்தில் இறந்ததாக கூறப்பட்ட நேதாஜி சுபாஸ் சந்திர போஸை சந்தித்ததாகவும் ஒரு கூட்டத்தில் "நான் ஒரு தகவலை வெளியிட்டால் இந்தியாவே அதிரும்" என்று இதை தான் குறிப்பிட்டதாக நேதாஜி மரணம் பற்றிய விசாரணை கமிஷனில் குறிப்பிடப்பட்டுள்ளது. இது எந்தளவுக்கு உண்மை என்று தெரியவில்லை. 

இவர் ஜக்கிய நாடுகளின் சபையின் தலைவராக கி.பி.1953-54 ஆண்டில் இருந்தார். ஜ.நா. சபையின் முதல் பெண் தலைவர் மட்டுமல்ல 8வது தலைவராக இருந்தார். பின்னர் கி.பி.1962-64 வரை மகாராட்டிர மாநில கவர்னராக இருந்தார். நேரு மறைந்தவுடன் அவரது தொகுதிக்கான பெல்பூர் மக்களவைக்கு இவர் தேர்ந்தெடுக்கப்பட்டார். ஆனாலும் சில காலத்தில் ராஜினாமா செய்தார். பின்னர் கி.பி.1967-71 வரை மக்களவையின் உறுப்பினராக இருந்தார். இவரது மருமகளான இந்திரா காந்தியுடன் எமர்ஜென்சி நேரத்தில் இவர் முரண்பட்டு நின்றார். அவரது கொள்கைகளை விமர்சித்தார். பின்னர் கி.பி.1979ல் இந்திய ஜனாதிபதி தேர்தலுக்கு நின்றவர் இந்திராகாந்தி நிறுத்திய வேட்பாளரால் தோல்வியுற்ற பின்னர் அரசியலில் இருந்து விலகினார். பின்னர் கி.பி.1979ல் அரசியலை விட்டு விலகி டெஹ்ராடூனில் வசித்து வந்தார். பின்னர் கி.பி.1979ல் ஜ.நா.சபையின் மனித உரிமைகள் ஆணையத்தின் இந்தியாவின் சார்பில் உறுப்பினராக இருந்தார். இவர் The Evolution of India (1958) மற்றும் The Scope of Happiness: A Personal memoir (1979) என்று இரு நூல்களை எழுதினார். தனது 90வது வயதில் கி.பி‌1990 டிசம்பர் 1ல் டெஹ்ராடூனில் மறைந்தார்.

Comments

Post a Comment

Popular posts from this blog

135) கங்கா தேவி

Image
கங்கா தேவி (கி.பி.14ம் நூற்றாண்டு) : வரலாற்றில் நிறைய பெண்மணிகளும் அரசிகளும் தங்களது தியாகத்தாலும் வீரத்தாலும் கருணையினாலும் பக்தியினாலும் குறிப்பிடப்பட்டுள்ளனர். அவர்களுள் ஒருவர் தான் "மதுரா விஜயம்" என்ற நூலை எழுதிய கங்கா தேவி என்ற கங்கம்மா. இவர் விஜயநகர பேரரசரான புக்க ராயரின் மகனான குமார கம்பணின் மனைவி. 60 ஆண்டுகளாக டெல்லி சுல்தான்களின் படையெடுப்புகளால் மதுரை அடிமைப்பட்டு இருந்ததை வீழ்த்தி மதுரையை அன்னியரின் பிடியிலிருந்து மீட்டு மதுரை மீனாட்டசியம்மனின் சிலையை காத்த வரலாற்றை கொண்டவர் இவர். கங்காம்பிகா என்ற இயற்பெயருடைய இவர் விஜயநகர பேரரசை தோற்றுவித்த ஹரிஹர புக்க சகோதரர்களில் புக்க ராயரின் மகனான குமார கம்பனாவின் மனைவி. இவர் சமஸ்கிருதத்தில் சிறந்த அறிஞர் மட்டுமில்லாது கவி பாடும் வல்லமை உடையவர். இவர் தனது கணவரான குமார கம்பனார் மதுரை மீது படையெடுத்து மதுரை சுல்தான்களின் ஆட்சியை அகற்றி மதுரையையும் மதுரை மீனாட்சியம்மன் கோவிலையும் மீட்ட வரலாற்றை வீர கம்பராய சரிதம் அல்லது மதுரா விஜயம் நூலில் எழுதியுள்ளார். இதில் காஞ்சிபுரத்தை கைப்பற்றிய கம்பனார் மற்றும் கங்கா தேவி இருவரின் கனவிலும்...
Read more

137) காளி பாய்

Image
காளி பாய் (கி.பி.1934-1947) : இந்திய சுதந்திர போராட்ட வரலாற்றில் ஆண்களுக்கு சரிசமமாய் பெண்களும் தியாகங்கள் செய்துள்ளனர். 13 வயது சிறுமியான இந்த பெண் தனது ஆசிரியரை ஆங்கில அராஜத்திலிருந்து காக்க தனது இன்னுயிரை நீத்தார்.  13 வயதாக இருந்தாலும் தியாகத்திலும் நாட்டுபற்றினாலும் மற்றவர்களுக்கு நிகரான தியாகத்தை செய்துள்ளார். இவர் கி.பி.1934ல் இன்றைய இராஜஸ்தானிலுள்ள துங்கர்பூர் அருகிலுள்ள ராஸ்தபால் என்னும் கிராமத்தில் பிறந்தார். இளமையில் கல்வியை துங்கர்பூரில் நானா பாய் காந்த் என்பவர் நடத்திய பள்ளியில் படித்து வந்தார். இந்த பள்ளியில் பாடப்புத்தகங்களில் உள்ளது போக இந்தியாவின் பெருமை, அன்னியர்கள் நம்மை எப்படியெல்லாம் சுரண்டி கொழுக்கிறார்கள் என்பது பற்றியும் இந்திய சுதந்திரத்தின் அவசியத்தை பற்றியும் சுதந்திர இந்தியாவிற்கு நம்மால் தேசிய பக்தி உள்ளம் கொண்டு பாடுபட வேண்டும் என்று இளமையிலையே மாணவர்களின் உள்ளத்தில் தேசபக்தியை ஊட்டி வளர்த்தனர். இதனால் இங்குள்ள மாணவர்கள் நாட்டுப்பற்று உணர்வுடன் இருந்தனர். இதனை அந்த பகுதியின் ஆட்சியாளரான மகாராவல் விரும்பவில்லை. அவர் பள்ளியில் பாடங்களுடன் தேசிய உணர்வு ஊட...
Read more

முன்னுரை

 சரித்திர நினைவலைகள் தொகுதியை எழுதும்போது விடுபட்ட பகுதிகளை தேடும்போது ஆண்களோடு ஆண்களுக்கு சற்றும் சளைக்காமல் இந்திய சுதந்திர போராட்ட களத்தில் பெண்களும் பங்கு பெற்றது அறிய வந்தது. ஆனால் அவர்கள் சரித்திரத்தில் அதிகம் அறியப்படாத அவர்களின் தியாகங்கள் பெரிதும் தெரியாமலும் இருந்தது. சுதந்திர போராட்டம் மட்டுமல்ல கலை,பக்தி, இலக்கியம், மருத்துவம், சட்டம், சமூக சேவைகள் மற்றும் விமானியாகவும் சாதனைகள் படைத்த விவரங்களும் அதை அவர்கள் அடைய சமூகத்தில் இருந்த இடர்பாடுகளும் அதை தகர்த்தெறிந்து தங்களது லட்சியத்தை அடைந்த வீர மங்கைகளையும் அவர்களின் வாழ்க்கையையும் அறிமுகப்படுத்த வேண்டும் என்ற எண்ணத்தில் எழுத ஆரம்பித்ததே இந்த தொடர். இதில் இந்தியா வரலாற்றில் தனது பங்களிப்பை சிறந்த முறையில் செய்த 149 பெண்மணிகளை பற்றி அனார்கலி முதல் அன்னை தெரசா வரை இங்கு எழுதியுள்ளேன். மதுரை குஞ்சரத்தம்மாள் கற்பனை என்பதால் அதற்கு தனி கட்டுரை எண் கொடுக்கவில்லை. இன்னும் தேடல்கள் தொடர்ந்தால் கிடைக்கும் தகவல்களையும் திரட்டி எழுதவும் ஆவல். உண்மையில் அனார்கலி என்பது கற்பனையான கேரக்டரா? அல்லது வரலாற்றில் அவரை பற்றிய செய்திகள் முழு...
Read more